heavy rain forecast : નવરાત્રીની વચ્ચે હવે ગુજરાતના કેટલાક વિસ્તારોમાં ભારેથી અતિભારે વરસાદની આગાહી શક્યતા છે. હવામાન વિભાગે ખેલૈયાઓના રંગમાં ભંગ પડે તેવી આગાહી વ્યકત કરી છે. હવામાન વિભાગે આગામી ત્રણ દિવસ ભારેથી અતિભારે વરસાદની જ્યારે તે બાદ એક દિવસ ભારે વરસાદની આગાહી વ્યકત કરી છે. તો બીજી બાજુ વેરાવળ અને ભરૂચ સુધી ચોમાસાની વિદાય થઈ ગઈ છે. ત્યારે આજે ગુજરાતમાં ક્યાં ક્યાં ભારેથી અતિભારે વરસાદની આગાહી આપવામાં આવી છે તે અંગેની આગાહી કરાઈ છે.

આજે ક્યાં ક્યાં જિલ્લામાં અતિભારે વરસાદની આગાહી

હવામાન વિભાગે આપેલી માહિતી અનુસાર, આજે રવિવારે, 28 સપ્ટેમ્બરના રોજ સુરત, નવસારી અને વલસાડ જિલ્લામાં રેડ એલર્ટ જાહેર કરાયું છે. આ સાથે અમરેલી, ભરૂચ, નર્મદા, ભાવનગર, તાપી, ડાંગ અને છોટા ઉદેપુર જિલ્લામાં ઓરેન્જ એલર્ટ અપાયું છે. જ્યારે 18 જિલ્લામાં યલો એલર્ટ અપાયું છે. જેમાં ગીર સોમનાથ, જૂનાગઢ, રાજકોટ, બોટાદ, અમદાવાદ, ગાંધીનગર, સુરેન્દ્રનગર, ખેડા, આણંદ, વડોદરા, પંચમહાલ, દાહોદ, મહીસાગર, અરવલ્લી, મહેસાણા, સાબરકાંઠા, પાટણ, બનાસકાંઠા જિલ્લામાં ભારે વરસાદની આગાહી કરવામાં આવી છે. આ દરમિયાન છૂટાછવાયા સ્થળો પર મધ્યમ મેઘગર્જના સાથે હળવાથી મધ્યમ વરસાદ થવાની શક્યતાઓ રહેલી છે અને પવનની ગતિ 40થી 50 કિમીની આગાહી કરવામાં આવી છે.

આ પણ વાચો : ગુજરાતના કયા કયા જિલ્લામાં વરસાદ ખાબકશે! નવરાત્રિમાં શું આગાહી કરાઈ?

આ પણ વાચો : અંબાલાલ પટેલની વરસાદને લઈ મોટી આગાહી, 27 સપ્ટેમ્બરથી 3 ઓક્ટોબરમાં ભારે વરસાદ

29 તારીખે ક્યાં ક્યાં ભારે આગાહી

29 સપ્ટેમ્બર અંગેની આગાહી જોઈએ તો, અમરેલી અને ગીર સોમનાથમાં રેડ એલર્ટની સાથે અત્યંત ભારે વરસાદની આગાહી વ્યકત કરાઈ છે. આ સાથે રાજકોટ, ભાવનગર, જૂનાગઢ, ડાંગ, સુરત, તાપી, નવસારી અને વલસાડમાં ઓરેન્જ એલર્ટ સાથે અતિભારે વરસાદની શક્યતા છે. કચ્છ, અમદાવાદ, પાટણ, બનાસકાંઠા, મોરબી, સુરેન્દ્રનગર, બોટાદ, આણંદ, ભરૂચ અને પોરબંદરમાં યલો એલર્ટ આપવામાં આવ્યું છે. આ જિલ્લાઓમાં ભારે વરસાદની શક્યતા છે.

અગત્યની લિંક