very heavy rains : ગુજરાતમાં ચોમાસાની બ્રેક બાદ ફરીથી વરસાદ સક્રિય થયો છે. બંગાળની ખાડી પર બનેલું લો-પ્રેશર તથા અરબ સાગરમાં સર્જાયેલું સાયક્લોનિક સર્ક્યુલેશન આગળ વધતાં ગુજરાત સહિત અનેક રાજ્યોના વાતાવરણમાં પલટો આવ્યો છે અને ભારે વરસાદ વરસી રહ્યો છે. આ સાથે વધુ એક લો પ્રેશર પણ સર્જાયું છે. જેના કારણે આગામી સમયમાં ગુજરાતના કેટલાક વિસ્તારોમાં ભારેથી અતિભારે વરસાદની શક્યતાઓ સેવાઈ રહી છે. તો આજે ગુજરાતના કયા કયા વિસ્તારોમાં ભારેથી અતિભારે વરસાદની આગાહી છે તે જોઈએ.

આજે કયા કયા જીલ્લામાં વરસાદની આગાહી?

હવામાન વિભાગે આપેલી માહિતી પ્રમાણે, આજે સોમવારે 18મી તારીખે જૂનાગઢ, પોરબંદર, નવસારી, તાપી, ડાંગ, વલસાડમાં ઓરેન્જ એલર્ટ સાથે અતિભારે વરસાદની આગાહી આપવામાં આવી છે. આ સાથે ગીરસોમનાથ, અમરેલી, ભાવનગર, દ્વારકા, જામનગર, રાજકોટ, બોટાદ, અમરેલી, ભાવનગર, મોરબી, કચ્છ, બનાસકાંઠા, પાટણ, મહેસાણા, સાબરકાંઠા, અરવલ્લી, વડોદરા, છોટાઉદેપુર, ભરૂચ, નર્મદા, સુરતમાં યલો એલર્ટ સાથે ગાજવીજ સાથે ભારે વરસાદની આગાહી આપવામાં આવી છે.

આ પણ વાચો : બંગાળની ખાડીમાં સર્જાઈ સિસ્ટમ, હવે વરસાદ ગુજરાતને ધમરોળશે, ભારેથી અતિભારે વરસાદની આગાહી

આવતી કાલે કયા કયા જીલ્લામાં આગાહી

મંગળવારે, 19મી તારીખે દ્વારકા, પોરબંદર, નવસારી, વલસાડમાં અત્યંત ભારે વરસાદની આગાહી આપવામાં આવી છે. આ સાથે રાજકોટ, જૂનાગઢ, ગીરસોમનાથ, અમરેલી, ભાવનગર, ભરૂચ, સુરત, તાપી, ડાંગમાં અતિભારે વરસાદની આગાહી છે. આ ઉપરાંત તમામ જિલ્લામાં ભારે વરસાદની આગાહી આપવામાં આવી છે. આ સાથે 20મી તારીખે અમરેલી, ભાવનગર, નવસારી, વલસાડમાં ગાજવીજ સાથે અત્યંત ભારે વરસાદની આગાહી આપવામાં આવી છે. આ ઉપરાંત દ્વારકા, પોરબંદર, જૂનાગઢ, ગીરસોમનાથ, રાજકોટ, ભરૂચ, સુરત, તાપી, ડાંગમાં ઓરેન્જ એલર્ટ સાથે અતિભારે વરસાદની આગાહી છે. આ ઉપરાંતના તમામ જિલ્લામાં અતિભારે વરસાદની આગાહી છે.

જૂનાગઢમાં ગિરનાર પર્વત પર ધોધમાર વરસાદ ખાબક્યો છે. ભારે વરસાદથી દામોદર કુંડમાં નવા નીરની આવક થઈ છે. છેલ્લા બે દિવસથી ગિરનાર પર્વત વરસાદી માહોલ છે. અમરેલીમાં વડીયાના ઢૂંઢિયા પીપળીયા ગામે ધોધમાર વરસાદ બાદ તબાહીના દ્રશ્યો સામે આવ્યા છે. અનેક દુકાનો અને ઘરોમાં પાણી ઘૂસી ગયા હતા. ખેતરમાંથી નદી જેમ પાણી વહ્યા હતા.

દ્વારકાના ખંભાળિયા અને કલ્યાણપુર તાલુકાના ગ્રામ્ય વિસ્તારમાં મેઘરાજાની ધમાકેદાર એન્ટ્રી થઈ છે. લાંબા વિરામ બાદ ખંભાળિયા તાલુકાના ભાળથર તેમજ આસપાસના ગ્રામ્ય વિસ્તારમાં વીજળીના કડાકા ભડાકા સાથે ધોધમાર વરસાદ પડ્યો છે. કલ્યાણપુર તાલુકાના રાવલ તેમજ આસપાસના ગ્રામ્ય વિસ્તારમાં વરસાદ પડ્યો છે. મેઘરાજાની તોફાની બેટિંગથી રસ્તાઓ પર પાણી ફરી વળ્યાં છે.

અગત્યની લિંક

હવામાનની સત્તાવાર આગાહી માટે વેબસાઇટ	અહિં કલીક કરો
હોમ પેજ	અહિં કલીક કરો
વઘુ અપડે માટે Whatsapp Group માં જોડાઓ	અહિં કલીક કરો
દરરોજ અપડે માટે Telegram Group માં જોડાઓ	અહિં કલીક કરો
Google News પર ફોલો કરો	અહિં કલીક કરો