Paresh Goswami : બંગાળની ખાડીમાંથી આવેલી લો પ્રેસર સિસ્ટમ ગુજરાતમાં વરસાદ સ્વરૂપે અસર કરી છે. જેના લીધે રાજ્યના 80 ટકા વિસ્તારમાં વરસાદ પડ્યો છે. ઉત્તર ગુજરાત અને મધ્ય ગુજરાતમાં ભારે વરસાદ ખાબક્યો છે. પરંતુ હવે સિસ્ટમ આપણાથી દૂર જઈ રહી છે અને નબળી પણ પડી રહી છે. આવામાં હજુ લગભગ બે દિવસ સુધી અમુક વિસ્તારમાં વરસાદ રહેશે, ત્યાર બાદ 2 ઓગસ્ટ પછી હમણા નજીકના સમયમાં વરસાદ પડે તેવી કોઈ શક્યતાઓ નથી, તેવું હવામાન નિષ્ણાત પરેશ ગોસ્વામીએ જણાવ્યું છે. આ સાથે જ તેમણે ખેડૂત મિત્રોને પિયત અંગે પણ ખાસ સલાહ આપી છે.

પરેશ ગોસ્વામીની આગાહી – Paresh Goswami

હવામાન નિષ્ણાત પરેશ ગોસ્વામીએ જણાવ્યું કે, બંગાળની ખાડીની સિસ્ટમના કારણે ઉત્તર ગુજરાત અને મધ્ય ગુજરાતમાં સારો વરસાદ જોવા મળ્યો, પરંતુ કચ્છ અને સૌરાષ્ટ્રમાં ખાસ વરસાદ જોવા મળ્યો નથી. હવે આ સિસ્ટમ આપણાથી દૂર જઈ રહી છે અને નબળી પણ પડી રહી છે. પરંતુ હજુ બે દિવસ 30 અને 31 તારીખ સુધી વરસાદનું જોર રહેશે. આ બે દિવસ ઉત્તર ગુજરાત, મધ્ય ગુજરાત અને મધ્ય પ્રદેશ બોર્ડર લાગુ વિસ્તારમાં વરસાદ જોવા મળશે. ત્યાર બાદ 2 ઓગસ્ટ સુધી હળવા ઝાપટા જોવા મળશે.

આ પણ વાચો : રેડ એલર્ટ : બે દિવસ અત્યંત ભારે વરસાદની આગાહી, જાણો ક્યાં ક્યાં જિલ્લામાં પડશે વરસાદ

2 ઓગસ્ટ સુધી સૌરાષ્ટ્રમાં પણ છૂટાછવાયા હળવા સામાન્ય ઝાપટા જ જોવા મળી શકે છે. આ રાઉન્ડમાં સૌરાષ્ટ્ર અને કચ્છમાં વરસાદ કેમ ન મળ્યો? તેનું કારણ સિસ્ટમનો ટ્રેક છે. આ સિસ્ટમ ઉત્તર અને મધ્ય ગુજરાત તરફ આ સિસ્ટમ આગળ નીકળી એટલે ત્યાં ભારે વરસાદ પડ્યાં અને સૌરાષ્ટ્ર-કચ્છને તેનો લાભ ન મળ્યો.

ખેડૂતોને ખાસ સલાહ

કોઈ ખેડૂત ભાઈઓનો પાક કદાચ સૂકાતો હોય અને લાંબી રાહ જોઈ શકાય તેમ ન હોય તો 2 ઓગસ્ટ પછી પિયત આપવું જોઈએ. 2 ઓગસ્ટ સુધી ઝાપટાની શક્યતાઓ છે. જો 5-7 દિવસ પાકને પાણીની ગરજ સારી દે તેવા ઝાપટા પડે તો આપણે થોડા દિવસ ચાલી જાય. પરંતુ 2 ઓગસ્ટ પછી જે વિસ્તારમાં પાકને ખરેખર પિયતની જરૂર હોય તો પિયત આપવું પડશે. કેમ કે, 2 ઓગસ્ટ પછી હમણા નજીકના સમયમાં કોઈ વરસાદ પડે તેવી કોઈ શક્યતાઓ નથી.

આ પણ વાચો : આજે રાત્રે 10 જિલ્લા સાવધાન, ભારેથી અતિભારે વરસાદની આગાહી

નોંધનીય છે કે, હવામાન વિભાગની આગાહી પણ સામે આવી છે. જે અનુસાર રાજ્યમાં વરસાદનું જોર ઘટી જશે. આગામી 7 દિવસ સામાન્યથી મધ્યમ વરસાદની આગાહી છે. થન્ડર સ્ટોમ એક્ટિવિટીના કારણે સામાન્યથી મધ્યમ વરસાદની આગાહી છે. જ્યારે માછીમારો દરિયો ન ખેડવા સૂચના છે.

અગત્યની લિંક

હવામાનની સત્તાવાર આગાહી માટે વેબસાઇટ	અહિં કલીક કરો
હોમ પેજ	અહિં કલીક કરો
વઘુ અપડે માટે Whatsapp Group માં જોડાઓ	અહિં કલીક કરો
દરરોજ અપડે માટે Telegram Group માં જોડાઓ	અહિં કલીક કરો
Google News પર ફોલો કરો	અહિં કલીક કરો