- આજે ક્યાં ક્યાં વિસ્તારમાં વરસાદની આગાહી – today Rain forecast
આજે 26 તારીખના રોજ સૌરાષ્ટ્ર અને દક્ષિણ ગુજરાતમાં વરસાદની શક્યતા છે. જેમાં ખાસ કરીને દક્ષિણ ગુજરાતના વિસ્તારોમાં ભારે વરસાદની શક્યતા છે. સૌરાષ્ટ્રના વિસ્તારોમાં હળવા થી મધ્યમ વરસાદની શક્યતા છે.
સૌ પ્રથમ દક્ષિણ ગુજરાતની વાત કરીએ તો દક્ષિણ ગુજરાતમાં ત્રણ જિલ્લામાં યલો એલર્ટ જાહેર કરાયું છે. જેમાં ડાંગ, વલસાડ અને નવસારીમાં યલો એલર્ટ જાહેર કરવામાં આવ્યું છે. આ વિસ્તારોમાં ભારે વરસાદની શક્યતા છે. જ્યારે વડોદરા, છોટાઉદેપુર, આણંદ, સુરત, તાપી, ભરૂચ અને નર્મદામાં અમુક વિસ્તારોમાં છુટાછવાય વરસાદની શક્યતા છે. અમુક વિસ્તારોમાં વાદળછાયુ વાતાવરણ જોવા મળી શકે છે.
સૌરાષ્ટ્ર માં જુનાગઢ, રાજકોટ, ગીર સોમનાથ, પોરબંદર, બોટાદ, ભાવનગર અને અમરેલીમાં ઘણા વિસ્તારોમાં હળવા થી મધ્યમ વરસાદની શક્યતા છે. ઘણા વિસ્તારોમાં વાદળછાયુ વાતાવરણ રહેવાની શક્યતા છે. તો ઘણા વિસ્તારોમાં વરાપ પણ જોવા મળી શકે છે.
મધ્ય ગુજરાતમાં અમદાવાદ, મહીસાગર, ખેડા અને અરવલ્લીમાં અમુક વિસ્તારોમાં વાદળછાયું વાતાવરણની શક્યતા છે. અમુખ વિસ્તારોમાં છુટાછવા ઝાપટાની પણ શક્યતા છે.
ઉત્તર ગુજરાતમાં અમુક જગ્યા પર વાદળછાયુ વાતાવરણ રહેવાની શક્યતા છે. બાકી ઘણા વિસ્તારોમાં વરાપની શક્યતા છે.
